Ölkə

Gələcəkdə ölkə üzrə I sinifə qəbul elektron qaydada aparılacaq

“2018-2019-cu tədris ili üçün Bakı ilə bərabər, Abşeron, Sumqayıt və Gəncə məktəblərində I sinfə qəbul elektron qaydada həyata keçiriləcək”.

365.com.az-ın “APA”-a istinadən verdiyi məlumata görə,, bunu Təhsil Nazirliyinin təhsilin inkişafı proqramları şöbəsinin müdiri Emin Əmrullayev deyib. O bildirib ki, böyük şəhərlərdə I sinifə qəbulun elektron qaydada aparılması bir sıra neqativ halların qarşısını alacaq, valideynlərin işini asanlaşdıracaq.

Şöbə müdiri qeyd edib ki, tədricən ölkə üzrə I sinifə qəbul elektron qaydada keçiriləcək: “2018-2019-cu tədris ili üçün Gəncə, Sumqayıt və Abşeron məktəblərində I sinifə qəbul uğurla icra olunsa, ölkədəki bütün məktəblərdə qəbulu elektron qaydada həyata keçirmək niyyətimiz var. Valideynlər məktəbə getmədən uşaqlarının I sinifə qəbulunu elektron qaydada həyata keçirəcək və müəllim seçimi də edə biləcəklər”.

E. Əmrullayev orta ümumtəhsil müəssisələri üçün yeni kurikulum layihəsinin hazırlandığını və ictimai müzakirəyə təqdim olunduğunu da söyləyib: “Yaxın gələcəkdə Təhsil Nazirliyi layihəni Nazirlər Kabinetinə təsdiq üçün təqdim edəcək. Layihədə fənlərin və fənn saatlarının sayı dəyişdirilməyib. Bəzən deyilir ki, guya kurikulum ləğv olunur. Ancaq belə deyil”.

Bir cevap yazın