İnkişaf Ölkə

Azərbaycanda 4 ildə 554,4 mln. ton xam neft, 308,5 mlrd. kubmetr təbii qaz hasil edilib

Azərbaycanda 2014-2017-ci illərdə sənaye müəssisələrinin və fərdi sahibkarların fəaliyyəti nəticəsində sənaye məhsulu istehsalı hər il orta hesabla 7,1% artaraq 508,8 mlrd. manat təşkil edib.

365.com.az-ın APA-a istinadən xəbərə görə, bunu Dövlət Statistika Komitəsinin sədri Tahir Budaqov Yeni Azərbaycan partiyasının saytına müsahibəsində bildirib.

Onun sözlərinə görə, bu illər ərzində ölkədə qaz kondensatı da daxil edilməklə 554,4 mln. ton xam neft, 308,5 mlrd. kubmetr təbii qaz hasil edilib, 16,5 mln. ton avtomobil benzini, 32,8 mln. ton dizel yanacağı, 8,8 mln. ton ağ neft istehsal olunub.

O bildirib ki, 2003-cü illə müqayisədə neftin hasilatı 2,5 dəfə, təbii qazın hasilatı isə 5,6 dəfə artıb: “2017-ci ilin sentyabrın 14-də dünyanın aparıcı neft şirkətləri ilə Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında yeni saziş imzalanıb ki, bununla da ölkəmizdə yeni neft strategiyasının icrasına başlanılıb”.

Bir cevap yazın